Wednesday, August 1, 2012
بيتنا القديمـ !
فكرت فى يوم اروح بيتنا القديم
فضلت واقفة ادامه كتييييييير
طلعت السلالم واحد واحدة ..
اصلى فكرة اد ايه كانوا كتير
طلعت مفتاحى من جيوبى
جيت احطه
لقيته علق
وقتها افتكرت حركات زمان
زقة برجلى و خبطة كمان
فجأة اتفتحتلى البيبان
لقيت الشقة .. متربة
وقفت ثانية و رجعت بذكرياتى
كمان
افتكرت اعياد زمان ..
وقت ما كنت البس هدوم قديمة
والم شعرى ديل حصان
و ابدا انظف كل المكان
دخلت اوضتى القديمة ..
لقيتها شدت حكايتى كلها
هناك
صندوق كبير برة الدولاب
شايل جواه الذكريات
قصاقيص ورق ...
حروف .....
واقعة منها نغم
شايل ايام جميلة افتكرتها
انا ليه بدور فى الى كان
حكيت حكايتى تانى ..
الى فيها الى يكفى و يدى قلب
جرعة اسى
معرفش يدوق زيها
و فيها فرح يملى عمر
لقيت ورود .. متبعتر ورقها ......
بين الكلام
راحت ريحتها
و لسة لونها
رغم انه كله دبلان
نزلت دموعى غصب عنى
على ماضى انتهى
افتكرت مات
بكل الأسى بكل الفرح
نزلت دموع فيها ذكريات
توقيع حضور لذكرا جتلها
بحكى لنفسى .....
للسكات.....
...
..
...
كلام اتحفر ..... بعمر فات
بيتنا القديم ....
Subscribe to:
Post Comments (Atom)
No comments:
Post a Comment